Psa 128 | KYG | STEP | Muki vaya'mogi Ala kava nefeke'mo koli huge agae kate'mo uge hu'a mai'naya vaya'mogimo Goti aulagale'mo alagepa hu'a mai'nayanage'a afa'a apamogaga aigae.

Psalms 128

Mono notegamo ugefe nehaiya vaya'mo kate'mo nehai'apae'mo nehaya yokemae

1 Muki vaya'mogi Ala kava nefeke'mo koli huge agae kate'mo uge hu'a mai'naya vaya'mogimo Goti aulagale'mo alagepa hu'a mai'nayanage'a afa'a apamogaga aigae.

2 Kagaemo hoyakafati'mo ne'ya'mo alika netekae'mo kamogaga aika alagepa huka maigane. 3 Akamo'mo asole alagamo ne'aeya nofikana huno nokafi'mo maigiye. Mafa'ne anagakamogimo saufa olivi yosagana hu'a mai'ne'a hi'yalamukale'mo fai'a ku ai'a kategae. 4 Afiyo, hu'na, Ala kava nefeke'mo koli nehaya vaya'mogimo ani kava hu'a alagepa hu'a maigae.

5 Ala kava ne'mo'a Saiyoni taonifati'mo kaha maeno. Muki afina'mo ma mopafi'mo mai'nekae'mo Yulusalemu taonifi'mo mai'naya vaya'mo apakesanage'apae'mo alagepa hu'a maiyo. 6 He, kagaemo mafa'nekamogimo ali'a apatesaya mafa'nemo afa'a apakesanafe'mo Goti'a kaha maeno.

Isaleli vaya'mo alagepa hu'a maiyo.